ආයෙමත් ඇවිත්

හොරෙන්ම ඇවිත්

තිබුනු එකම එක

හදවතත්

හොරකම් කරගෙන

කොහේදෝ පැනලා ගියපු ඔයා

මෙන්න ආයෙමත් ඇවිත්

තුවාල වෙච්ච මගේ හදවත

දොරකඩ පාමුල තියලා ගිහින්

ස්තූතියි..

විසි කරන්නේ නැතුව මට ආයේ දුන්නට

..................................

පන්නරය

දාන්තේ මර්සිදිට පෙම් නොබැන්දා නම්
දොංග්ලාර් ඉරිසියා නොකලා නම්
ෆෙර්නාන්ද් එරෙහි නොවුවා නම්
එද්මොන් හිරේ නොගියා නම්
ෆාරියා මුන නොගැහුනා නම්
එද්මොන් මළ මිනියක තැන ගන්න නිර්භිත නොවුවා නම්
මහ මුහුදේ සැතපුම් ගානක් නිරාහාරව පිහිනන්න ධෛර්යවන්ත නොවුනා නම්
නැවෙන් පැන ගන්න උපක්‍රමශිලී නොවුනා නම්
ඒ සේරටම වඩා සංයමයක් විනයක් හික්මීමක්  නොතිබුනා නම්

බිහි වෙයිද මොන්ත ක්‍රිස්තෝ...

බිහි වෙයිද ඒ වගේ ලස්සන කතාවක්

ලියන්න කතාවක් තියේවිද දියුමට

අපේ ජිවිත වලටත් ආවේ නැත්තම් රැල්ලක් දෙකක්

බිහි වෙවිද ලස්සන ජීවිතයක්

...............................